Ka Meghalaya da poi ko sa cha uwi u moomær hei yaleh Cricket deiwa chah jied ka Ajima Sangma kam kawa yalehke ka India C ha ka Women’s Challenger Tournament kawa pynman deilang waka BCCI.
Kani toh kawa kawang bol (Fast Bowler) wei da dep yalehke ko ya ka Meghalaya ha kiwa boon ki kyrdan wei da yoh ko leh wow ku kyrdan katwa dang heh i rta ko.
“I chah jied ko wow em ha ka Indian Team C toh iwa khroo bha iwa pynoo leh yei kreh chitom ko wei daw pynchlur ko leh ya kiwi ki kynthai wow kreh chitom chooh chooh ki yow poi cha ki kyrdan wa rap chaneiñ. Wei ini toh iwa sahkynmoo ya ka jylla,” da ong u Meghalaya Cricket Association Honorary Secretary, u Gideon Kharkongor.
Lyngba kani ka Tournament ye u man ka laad ya ka Ajima wow psiah cha ka National Team ki kynthai wei neiliang ka MCA da pyn-ehdaw ko ya ka Ajima.
Ha iwi i liang da pynbna leh wa ka Saranya RS daw man ko kam kawi ka Team C Official. Ka Saranya da jooh man ko leh kam ka Coach ki kynthai ka Meghalaya da boon samoi kattu.
