Ki kynthai ka Meghalaya da yoh ki yei jop wa nyngkong yaka jylla neibynta kani ka samoi deiwa pynrem yaka Nagaland haka Women’s U-15 One Day Trophy wa da pynman ha Kolkata da ka BCCI.
Ka Nagaland da phah Bat nygkong ka heiwa da kamai ko 74/7 na ki 35 Over haka yalehke wa da hap wow pynduna Over heiwa ka Meghalaya da ye ko wow jop haka 15.1 Over deiwa sah 7 Wicket ha kti.
Ka Diya Biswa toh kawa lehbha dooh na kiwa kawang bol ka Meghalaya deiwa yoh 3/14 na ki 7 Over katwa ka Jennyfer Fancon da yoh ko 2/8 na 7 Over wei ka Dejianna M Sangma da yoh ko 2/11 na 7 Over.
Hawa kdong yaka thong, ka Anastesia Shullai da Bat ko hadooh wa kut khlem haap deiwa yoh 21 Run katwa ka Zoya Tasneem won da yoh ko 11.
Ka Meghalaya da dep ko wow yalehke soo sien kattu heiwa da rem ki le sien. Ka yalehke wa khaddooh toh pyrchah yaka Karnataka kawa daw pynman ha kani ka 25 tarik.
Discussion about this post