Ka 7th India International Folk Festival kawa man ka tamasa wow lehkmen ya ki dustur riti kiwa na kylleiñ ka pyrthai, da sdang ya ka da ka yalang wa pynman ha U Soso Tham Auditorium, Shillong heiwa u Lat ka jylla Meghalaya da man u kam u kongsan ynni ka sngi kawa daw pynkut haka 24 tarik kawa sdang nadooh 5:30 i janmiet.
U Lat hawa e yei klam da yaroh u ya kiwa pynman ya kani ka tamasa wa kynthup yaka ICCR waka Department of Arts and Culture ka Meghalaya kiwa da ye wow wanrah ya kani ka yalang wa phooh wa phieñ ha Shillong. Da pynsñiaw u leh yei kmen wa da chimbynta 7 tylli ki ri wa kynthup yaka Kazakhstan, Vietnam, Russia, Cyprus, Croatia, Cuba wa Ethiopia deiwa ong wa kam kani ka yachemlang daw wanrah ko yei ya sñiawthooh chaphang ka dustur riti wa i yatoh lok hapoh ka pyrthai.
U Lat da klam u leh yei mahajon ka dustur riti ka Meghalaya deiwa pynyoo kiwa na Ri-loom Khasi, Jaintia wa Garo ya ki chaad ki rwai tynre.
Ha kani ka sngi wai da yoh yei chaad tynre Naz naka ri Kazakhstan, na Vietnam da pynyoo ki leh yei chaad wa i rwai tyrne wa tip kam i Bong Sen.
Discussion about this post