Da 19 Run pyntam ka Meghalaya ya ka Puducherry ha ka sngi wa ar ka U-19

Shillong: Kiwa Bat ka Meghalaya da leh bha ki ynne ka sngi heiwa da ye ki u pyntam da 19 Run ha ka First Innings ya ka Puducherry deiwa sah sa 4 Wicket ha ka U-19 Cooch Behar Trophy wa pynman ha Anantapur, Andhra Pradesh.

Ka Meghalaya da pteiñ ko ya ka sngi wa ar da 8/1 yow jubab ya ka 188 Run ka Puducherry, wei hadooh wa kut ka sngi ka Meghalaya da yoh ko 207/6.

U Hrithik Sharma uwa kamai 43 Run wa u Wicketkeeper u Ankit Kumar Singh uwa yoh 69 da kamai lang ki 100 ya ka Wicket wa ar tangwa da haap smat ki hadien ini wei da wan u Raghav Kapur wa u Amankumar, kiwa da kamai lang 58 Run neibynta ka Wicket wa 5.

U Amankumar da haap u hadien wa kamai u 29 Run katwa u Raghav dang neh u deiwa kamai 46 Run.

Related posts

Hei sien nyngkong wa chimbynta ha ka MSL rah syndon ka Nongkseh yei naam Champion

June 5, 2026

Daw pynman ka Real Punjab FC ya ka Trial ha Jowai

June 1, 2026