Da 2,125 ngut ku kiwa thap Vote ka Nartiang, Jowai, Raliang wa Mowkaiaw hapoh chi snem

Ka Draft Electoral Roll yong ki soo tylli ki Assembly Constituency kitæ ka 1-Nartiang, 2-Jowai, 3-Raliang wa 4-Mowkaiaw da saam ki ynnin ka sngi cha kiwa mihkhmat ki seiñ saiñhima ha ka yalang wa pynman ha Conference Room u DC Jowai deiwa emlang ki Additional Deputy Commissioner, ka H.M.L. Kynta, ka B. Blah, ka D.V. Lyngdoh wa u Assistant Commissioner, u F. Passah.

Ka D.V. Lyngdoh hawa e yei klam da khana ko wa kani ka Draft Electoral Roll toh yow pyntikna wa waroh kiwa chong chnong kiwa dadap 18 deiwa kheiñ hadooh ka 01-01-24 da em pyrtuid ki.

Da pyntip ko leh wa nadooh ka 29 tarik uni u Naichiphaw hadooh ka 28 tarik u Khonchonglad (Nov), 2024 kiwa chong chnong ye ki wow ujor lada em iwon iwon wa hap wow pynbait wei daw pynman leh ya ki Special Camp ha ka 15, 16, 21 wa 22 tarik u Khonchonglad, 2024 heiwa ki BLO, ki ARO wa ki ERO daw lai ki cha ki Polling Station wei daw yachem ki leh wa ki paidbah.

Daw pynman leh ya ki pynsñiawthooh paidbah yow tip ki chaphang i hok ki kam kiwa thap Vote. Katwa yei rai khaddooh yeiwa ujor u pyndep hadooh ka 24-12-24 wei ya ka Electoral Roll wa khaddooh daw pynmih ha ka 06-01-25.

Related posts

U ya krehlang ka Thailand wa India yow pynemkaam da ka UPI yow suk kiwa uiñke suwari

September 13, 2026

Tooh u chipai ya ki tiar yasiat hadien wa chah pynchong ngiah

September 13, 2026

Ha kani ka Draft Electoral Roll wa da pynmih, ki pyrtuid kiwa da em Vote ha ki soo Constituency da ku cha ka 1,68,853 ngut na 1,66,728 ngut na kawa pynmih khaddooh ha ka 05-01-24 iwa mut da ku da 2,125 ngut.

Chooh chooh da khana ko wa ki Polling Station ha ki 3 Constituency kitæ ka Jowai, Raliang, Mowkaiaw da neh ki kat jooh da 57, 55 wa 55 tylli katwa ha Nartiang da pynmih sa kawi kiwa dapoi cha 64 tylli kattu. 

Neiliang ki Party da wan mihkhmat na ka VPP, NPP, BJP wa UDP kiwa da chim leh ya ki Electoral Roll.