Ka District Cricket League 2024 wa pynman da ka West Jaiñtia Hills District Cricket Association ha Khliehtyrshi Mini Stadium da poi ko cha wakut ynne da ka yakhun Final hapyrdi ka Efty United XI Mynso waka Ummulong Sports Club.
Yaka kylla-khlem da jop da ka Efty heiwa da jied ko u bol nyngkong, heiwa ka Ummulong da ye ko kamai 203 Run naki 31.3 Over wei da pynkut noh neidaw wa hiar slap. Kiwa rap Bat bha na ki toh u Sylvester Myllienpdah uwa yoh 68 Run na ki 55 bol, katwa neiliang ka Efty kiwa lehbha da ka bol toh u Pynskem Phawa uwa yoh 4 Wicket naki 2 Over.
Neidaw wa pynthut u slap da pynemkaam noh da ka DSL Method yaka yalehke heiwa da pynduna cha ka 10 Over wei ka Efty da emkaam ko 83 Run yow jop.
Kamtæ ka Efty hawa beh yaka thong da ye ko u yoh 79 Run deiwa lut ki 10 Over deiwa kamai boon u Riboklang Hynniewta uwa yoh 21 Run naki 12 bol, katwa neiliang ka Ummulong kiwa kawang bol wa da lehbha toh u Pynskhem Phawa uwa yoh 4 Wicket na ki 2 Over.
Kamtæ ka Ummulong Sports Club da jop ko da 3 Run.
Yei naam Man of the Match da yoh da u Pynskhem Phawa naka Ummulong Sports Club katwa ya i naam Youngest Player da yoh da u Eshan Siangshai.
Ha kani ka sngi u MLA ka Jowai, u Wailadmiki Shylla da man u kam u kongsan.
Discussion about this post