15 49.0138 8.38624 1 0 4000 1 https://wyrta.com 300 0

Da bakla ka TYSCL wow yaroh yei miat u sarok: JSU-1 Lapangap Unit

0 Comments
Advertisement ad1

Jowai: Ka seiñ Jaiñtia Students Union-1 Lapangap Unit da sñiawphylla ko yei kam ki dkhot ka Tylli Yonglang Sport Club Lapangap (TYSCL) wa sñiawngooh ki ya u sarok ha Lapangap toh uwa da biang i rukom kreh ya oo wei da suk ki bru u lai cha Khanduli wa cha Jowai.

Katkam i chem ka JSU-1 Lapangap Unit uni u sarok toh uwa dap um dap ktieh wei kiwa boon kiwa mut u lai thooh dawai na ki PHC, CHC namo na Jowai haap uiñ biang ki neidaw wym lait luti ki.

Advertisement ad1

Ka seiñ da kynthoh joor yo ya kiwa yahkhmat yong ka TYSCL kawa da e yaroh ya u MLA neibynta uni u sarok iwa khlem em yurim. Ka seiñ da ong ko wa kini kiwa yahkhmat ka TYSCL toh kiwa sah ha Jowai wei katni manda lai chnong ki daw maad kylla ki yei sahkut ha chiteiñ luti.

Ka seiñ leh ong ko wa sniawsih joor yeiwa mad ki paidbah wei boonsien da pynbaad waka sorkar Assam wa khang u chna ya ki sarok wa ki yingkieñ tangwa ka seiñ ym ngait ko yeini neibhah ini jia i du nei wym chimkhia u MLA ka thaiñ u S. Dhar wei kiwa yaroh ya oo toh kiwa kwah naam samen samen.

I yi i daw wow yaroh lada kamni haap chitom ki paidbah da ki snem. Kamtæ da kyntu ya u MLA wa ya ka sorkar wow chimkhia ki ya uni u sarok wa ki yingkieñ wow lait ki paidbah nei chitom.

Kani toh katkam ka khubor na u J Lyngdoh Vice President JSU-1 Lapangap Unit.

Advertisement ad1

0 Comments

Leave a Reply