U Montri ka chnat Urban Affairs ka Meghalaya, u Sniawbhalang Dhar ynne ka sngi da wai u ya u mooyurim yow pynchna ya ka yaw Laitumkhrah Municipal Market deiwa em ka MLA ka thaaiñ ka Dr. M. Ampareen Lyngdoh, ki sahep ka Urban Affairs Department waka Shillong Municipal Board.
Kani ka yaw kawa da pynlut poisa hapoh ka Shillong Smart City Limited toh hei dor wa T. 28,84,62,139, wei yeini da pynkreh da ka Shillong Municipal Board wei da yooluti u pyndep ha ki 24 bnai nadooh wa sdang u kreh ha ka 22-09-2021.
Hawa e yei klam, u Sniawbhalang Dhar da ong u wa ini toh iwa da angnood ki bru ka Laitumkhrah da slem wei da mankaam i da ini i booh mooyurim yow pynchna noh ya ka Laitumkhrah Municipal Market deiwa yaroh leh yei ya krehkaamlang waroh kiwa da emkti lang ha ini i kaam. Da ban joor u leh yei emkaam i ya krehlang, deiwa kyntu ya waroh wow kreh yow ye u pyndep yeini heipor wa da booh yow myntoi ki paidbah.
Neiliang ka Ampareen da ong ko wa kani ka yaw Laitumkhrah man ko kam ka kor wa pynku ya ka kamai kajih ki bru ka Laitumkhrah. Kamtæ ini i chna ya kani ka yaw da man i leh i angnood ya kiwi ki MLA wa nachwa wei katni da man ko leh kam dak wa da yoh yei kyrmen wa thymme neibynta ki bru ka Constituency, kamtæ da kyntu ko ya waroh kiwa emkti u chna ya kani ka yaw wow kreh chitom ki yow pyndep heipor wa biang wa smat.
