U MLA ka North Shillong uwa man leh u President ka Khun Hynniewtrep National Awakening Movement (KHNAM), u Adelbert Nongrum da ong u wa ka sorkar toh u chim ko yei kitkhlieh yei thrang yong ka HNLC wow wan cha ka miej wow yaklam yasuk, wei hajrong i dawa yong ka seiñ wow thung noh ya u ksiang (Interlocutor) neibynta ini i kaam.
Da ong u wa lada pait ya kiwi ki seiñ kieñ tiar cha kiwi ki jylla leh ym poi cha katæ ka thong. Da e u yei burom ya kiwa yahkhmat ka Hynnniewtrep National Liberation Council kiwa da nood wow chim ya kani ka rai, kawa da yooluti da slem bha, wei da ong u wa ka sorkar toh u chim ko yei kitkhlieh hawa ini daw yah ko cha katæ ka thong wow yoh biang ya i chong suk hapoh ka jylla kawa lait na i umsnaam.
Hawa yatoh wa i dawa wow thung noh ya u ksiang, u Adelbert da ong u wa ka sorkar toh u pynsmat ko ya ini i kaam, yow man ko kawi na i jop, neibhah ym kwah de wa ki khynroo u chah yahbakla lane wow yakhun da kiwi won ki luti.
