Da booh mooyurim ya ka North East Centre for Technology Application and Reach ha Shillong

U Montri ka sorkar pyrdi uwa pait ya ka Science and Technology, u Dr. Jitendra Singh da booh mooyurim u neibynta ka North East Centre for Technology Application and Reach (NECTAR) ha Mawdiangdiang, Shillong ha ka 13 tarik uni u bnai. 

Kani ka NECTAR u man ko kam ka chlem e sikai wa laitlooid wow em hapoh ka Department of Science and Technology (DST) ka sorkar India, wei ka thong toh wow pynku ya ka thaaiñ North East waroh kawi.

Neiliang u Montri da lai pait u leh ya ki dukan wa da booh da ka NECTAR ha IIM Shillong wei da chimbynta u leh wow pynkop ya ka charak deiwa emlang ki bru ka sorkar jylla wei da yoh ya ki kyntien pdiang sñiawbha na u Dr. Arun Kumar Sarma, Director General, NECTAR.

U Dr. Jitendra Singh hawa e yei klam da pynsñiaw u yei kmen wow yoh u booh ya kani ka NECTAR ha kani ka thaw wa pura ka wow em leh ka State Technology Demonstration Centre deiwa ong wa kani toh ka sngi wow sahkynmoo deiwa khana wa ya ka NECTAR toh kiwa da sdang ha u snem 2014 ha u snem wa nyngkong wa wan ka sorkar u Narendra Modi wei da booh ka ha waroh ki 8 tylli ki jylla ka North East.

Da khana u wa deiwa em ka NECTAR da ye ko wow sdang ya ka Mission Saffron ha u snem 2021, wei da sdang leh wow rep ya u Saffron hapoh ka thaaiñ Northeast. “Ynnin u snem da yoh i ya ka GI Tag neibynta ki Saffron wa mih na ka Jammu and Kashmir. Wei kattu ka thaaiñ Northeast ye ki wow man kam kawa khlan dooh wow pynmih Saffron,” da khana u Montri.

Related posts

Mynsoo 7 ngut ki chipai CRPF hadien wa noh ka kari cha ka wah hajan Srinagar

February 21, 2026

Thang uwi ya ka Tanky ka thuk-thuk heipor wa thap phniang ha Petrol Pump

February 21, 2026

Da yaroh u leh yei booh ya ka STEM Education Lab ha Shillong kawa da wanrah deiwa ya krehlang ka IISER Pune wa ka Smart Village Movement, yow pynkupbor ya 100 tylli ki skur yow em ki ki tiar Electronics, Robotics wa 3D Printing.

Da pyntip u leh wa ka NECTAR toh kawa kreh yow chna ki Drone wei da yarap ko leh wow thooh bniah ha ki thaw wa ye u chlai um deiwa pynemkaam da ki GIS wa Remote Sensing Technology yow ye u pynduna yei maa kam ha Morigaon, Dhubri wa Majuli District.

Da khana u leh wa ka NECTAR toh kawa yarap ha ka Beekeeping and Honey Mission, “Nadooh ki siej hadooh wow ri ngap, ka NECTAR da yarap ko ha kiwa boon ki liang”, da ong u Dr. Jitendra Singh.