Ym pu em yoh ki pulit wow takit ya ka MDC ka VPP

Ki pulit ka Ri-Bhoi dang yang ki wow kylli takit ya ka MDC ka VPP, ka Deity M Majaw wei yeini daw leh hadien wa yoh ko wow mih Hospital.

Ka Deity kawa dang dep jop kam ka MDC wa thymme ka Malki-Laitumkhrah, da lai noh ka kari ko cha khap nala wa em ha chnong Quinine, Ri-Bhoi ha ka 8 tarik uni u bnai heiwa da emlang ko wa ar ngut kiwi ki chynrang heiwa uwi toh u kurim ko uwa yah ya kani ka kari.

Da suba wa ini da jia i neidaw wa yah kari deiwa muaid heiwa da chem boon tylli ki tadong Beer napoh kani ka kari.

Ka Deity toh kawa dang chah sumaar ha Apollo Hospital, Guwahati.

Related posts

E FIR ki ar seiñ deilang kiwa ri syiar pyrchah ya kiwa kit syiar

July 1, 2025

Sdang biang i slem su tulop ya kiwa kreh Muster Roll | Dawa wow su chwa ka 10 tarik yow yoh u lehkmen Behdieñkhlam

July 1, 2025

Katkam ka khubor wa da yoh, dadep ki pulit wow takit ya u kurim ka Deity wei da Register ya ka Case hapoh ki kyndon wa yah kari dei muaid.

Katkam ki kyndon wa katni, ka kuna man ko Rs. 10,000 wei ye leh u chah kset 6 bnai lada chem hei sien wa nyngkong, katwa hei sien wa ar won daw toh Rs. 15,000 ka kuna wei ye u chah kset hadooh ar snem.