15 49.0138 8.38624 1 0 4000 1 https://wyrta.com 300 0

Da booh ya u Moo Yurim yong ka Court of Judicial Magistrate, Amlarem
U chna ya ka ha i thaw wa heh kamwa 5 acre

0 Comments
Advertisement ad1

Jowai: Ynne ka 29 tarik man ko ka sngi wow sahkynmoo ya ki paidbah ka thaiñ War Jaiñtia neibhah wa hadien wa da wai ya ka yung bichaar Judicial Magistrate ha Amlarem Civil Subdivision ha ka 12 Kmaichonglad 2012 ynne won da booh ya u Moo Yurim yong kani ka yung bichaar.

Ya ini i yung Kasari namo i yung bichaar ya iwa tip kam ka Court of Judicial Magistrate u chna ha i thaw wa heh kamwa 5 acre tam iwa em mar pyrchah ka yung krehkaam ka SDO Amlarem Civil Sub-division.

Advertisement ad1

Ya uni u Moo Yurim da wan wai da u Montri Rangbah ka Jylla u Dr. Mukul Sangma, wa u Chief Justice ka Meghalaya High Court u Dinesh Maheshwari.

I thmu wow booh ya kani ka yung bichaar toh wow pynsmat wow e rai namo u bichaar ya ki mukotduma waphær waphær.

Ha kani ka sngi da em ka yalang kawa da pyllai da ka SDO ka Amlarem Subdivision ka Isawanda Laloo, da yoh ya ki klam pdiang burom na u DC ka West Jaiñtia Hills u R. Rapthap, i klam na u Judicial Officer u DS Marbaniang.

U Chief Justice hei klam da ong u wa hapoh chi snem wa em u hapoh ka jylla da chem u wa sñiaw sarong u wa em ki bru heini kiwa minot kiwa yaleh u wanrah ya i roi i paar wow ye u pynbiang yei emkaam ki paidbah.

Da ong u wa i chna ya kani ka yung heini ymtoh neidaw wa duna ware ki mukotduma tangwa u chna ya ka toh wow pynsuk ya ki paidbah kani ka thaiñ.

U Dr. Mukul Sangma hei klam da ong u wa hadooh katni da ye u pynyakhlaad ya ka yung bichaar na ka kaam synchaar (Judicial na ka Executive) hadooh 7 tylli District wei katni dang sah sa 4 tylli ki district wow leh yeini.

Ki kaam pyrchah ya ki kynthai khynnah man i iwa joor bha katni wei dang thooh ya ki laad wow pynduna yeini.

Da ong chooh chooh u wa kiwa tyngkheiñ aiñ leh ki ya ki kaam toh neidaw wa ymtieñ de ki ya ka aiñ katwa kamtæ emkaam u pynkhlan ya ki kyndon aiñ hapoh ka jylla.

Da pyntip u wa dang chna ya ka Directorate of Prosecution wow sylli wow pait ya ki kaam bichaar wow man ki kiwa lai bait wei hei por wa biang yeiwa da ya pyrkhat leh ya u Chief Justice.

Ha kani ka sngi da emlang u Justice SR Sen, ka Montri ka tnat aiñ ka jylla ka Roshan Warjri, u CEM ka JHADC u Thombor Shiwat, u MLA ka thaiñ u Stephanson Mukhim, wa kiwi kiwi.

Da pynphooh ya kani ka yalang da i rwai na ki khynnah ka skur Syiem Jingsuk School, Amlarem, i chaad na ki khynnah ka Nongtalang wa kiwi kiwi.

 

Advertisement ad1

0 Comments

Leave a Reply