Da booh ya u mooyurim yow chna ya ka Indigenous Cultural Centre ka Seng Khasi Kmie hei lut wa ₹15 klur

U Chief Minister ka jylla, u Conrad K. Sangma ynne da booh mooyurim u yow chna ya ka Indigenous Cultural Centre ka Seng Khasi Kmie ha Mawkhar, Shillong deiwa emlang u Deputy Chief Minister, u Prestone Tynsong, u Minister for Art and Culture, u Paul Lyngdoh, ki waheh chnong deilang ki dkhot ka Seng Khasi.

Ya kani ka Cultural Centre u chna hei lut wa ₹15 klur wei u man ko kam ka thaw wow pynneh pynsah ya ka dustur riti ki Khasi wei u man ko leh ka thaw wow pynyoo rong ya ka dustur riti kamjooh wow pynneh pynsah ki.

Related posts

Pdiang ka JHADC ya ka Resolution wow dawa na ka President yow pynkylla ya ki aiñ tih mooyong

June 24, 2026

Lai rah Placard ka JCOMSWA ha JHADC yow dawa ki aiñ yow tih mooyong kam nachwa

June 24, 2026

U Conrad hawa e yei klam da ong u wa kani ka thaw u man ko ym du kam ka yung tangwa ka chlem wow pynneh pynsah nadooh ka rukom leh niam wa i rukom im neibynta ka juk wow wan neibhah da ki spah snem wa da lai kiwa boon ki leh niam da leh cha lait khlem da em ka thaw wa biang wei kattæ ka thong toh wow pynbait noh yeini.

“Nadooh u 2018, ka sorkar O da booh ko ka thong wow kyrchaan, u pynchlur wei wow lehkmen yei mahajon ka riti dustur ki bru yong i nadooh ki chaad, ki rwai, ki leh niam kiwa da tipmit ya ki kamjooh i rukom im i,” da ong u Conrad.