Da boon da ki nong Myanmar bar ya ki tre chnong ha kawi na ki District ka Manipur 

Ka Maring Students’ Union (MSU) hawa e Wyrta ynnin ka sngi da ong ko wa kiwa yut chnong na Myanmar da boon paaid ki bar ya ki tre chnong ha Tengnoupal District ka jylla Manipur.

Ka MSU kawa mihkhmat ya ka jaitbru Maring da kdaw ko wa katkam wa chim yukheiñ lyngba ka Biometric, da chem wa em 1428 ngut ki nong Myanmar kiwa da yut chnong neidaw wa em ka thma hapoh katai ka ri.

Ka seiñ da ong ko wa da chim yukheiñ ha ki 6 chnong wa chong wa sah ki jaitbru Maring Naga kiwa kynthup ya ka Saibol, Moirengthel, Chanringphai, Lamlong Khunou, Choktong wa Satang heiwa ka MSU da ong ko wa ki nong Myanmar da boon ki bar ya ki jaitbru Maring Naga.

Chooh chooh ka MSU da ong ko wa kini kiwa yut chnong na Myanmar da sdang chna yung pyrchah aiñ ki khlem yohbor na ki bor sorkar jylla.

Related posts

Da wan chimkti yei metyap uwa chah tyrrah ha Ialong katwa uwi won da em hapoh ICU ka Civil Hospital

June 30, 2025

Yap uwa uiñke suwari uwa tlær heipor wa chondur ha ka kchaaid Rongkusi

June 30, 2025

Neiliang ka Assam Rifle kawa pait ya i chongsuk wa i sonteri ya u pood ka ri da kyntait ko yeini i chong sah kini ki baar ri ha ka jylla.