Ynne ka sngi u Dawyoo Lyngdoh uwa man kam u President ka KNGCSU da lai yachem u wa ka Principal ka Kiang Nangbah Govt. College wow e laad biang ya ki khynnah kiwa mih pyrtuid wow yoh u lai puræ tangwa slem ki wow su yaka bai lai puræ namo ka Admission Fee cha ka 1st Semester.
Neiliang ka Principal da pdiang ko ya ini i dawa deiwa pyntip leh cha ki khynnah kiwa da mih pyrtuid nadooh ka First List hadooh ka Final List kiwa ym pu em u su wa hap ki wow e yei pyrtuid yong ki kamjooh i email yong ki cha ka College lane deiwa e yei pyrtuid yong ki cha ki dkhot ka KNGCSU chwa ka 01-10-20 wei ya kiwa slem ym ye de wow pdiang.
Neiliang ka Principal da pynche ko wa ini ym em mut wa da wai biang yaka Admission neidaw wa da slem ware i por.
Heiyatoh won waka Online/Offline Exam yong ki Final Semester da pynche wa kiwa lai puræ kiwa thoh Exam u man ko daka Online Exam hadien wa yoh yutip wa tikna naka NEHU tangwa lada em ki khynnah kiwa chitom heiyatoh wa ka Network, ye ki wow thoh cha ka Principal ka College.
