15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pdiang u Prestone yei thmu paan RTI ka BJP, tangwa toh u rah chwa ha ka Committee ka MDA yei baamtooh ha ki ADC

Advertisement ad1
Advertisement ad1

Shillong: U Symbood Montri Rangbah ka jylla, u Prestone Tynsong da pynsñiaw u wa ka sorkar ka pdiang sñiawbha ko lada ka BJP Meghalaya ka paan ko ya ka RTI wow chem ya ki pynkrehkaam ya ki Scheme ka sorkar pyrdi da ka sorkar Meghalaya Democratic Alliance (MDA).

Ka BJP kawa em 2 ngut ki MLA kiwa kyrchaan ya ka sorkar MDA ha ka jylla, hadien wa da ujor cha ka CBI ya i baamtooh wa da mih ha ka ki ar tylli ki Autonomous District Council (JHADC/GHADC), lyngba yong u State President, da rai leh wow paan da ka RTI hajrong i pynkrehkaam ka sorkar jylla ya ki Scheme ka sorkar pyrdi wow chem yei pynemkaam bakla næ baamtooh.

Advertisement ad1

U Prestone da ong u wa i bor yong ki District Council wa ka sorkar yaphær ki neibhah ki District Council ki krehkaam ki katkam ka Sixth Schedule, katwa ka sorkar jylla ka pynkrehkaam ko katkam ka riti synchaar yong ka ri India.

U Prestone uwa man leh uwa yahkhmat ka NPP ha ka jylla da ong u wa ini i leh yong ka BJP kawa emlang ha ka sorkar ym ktah ko yei yatoh næ ya krehkaam, wei ka sorkar MDA man ko kawa skem wei ka wow neh, deiwa pynrap leh wa ki seiñ saiñ pyrthai kiwa emlang ha ka sorkar em ki ya i hok wow pynsñiaw lada em i tkoh i krehkaam ha iwon iwon i liang.

Hawa kylli, da ong u wa ki kynhun kiwa em ha ka sorkar ki emlang ki ha ka Co-ordination Committee yong ka MDA, hawa waroh kiwa yahkhmat yong ki seiñ saiñ pyrthai man ki kam ki dkhot, tangwa kamwa man katni ya kani phang ym em u wanrah ha ka Committee, wei u man ko iwa bha lada pyntip cha ka Co-ordination Committee yow pynbait heithaw wow ujor neibhah toh i kaam wa khia lada em i pynemkaam bakla ya ka poisa kawa da mang.

Share this:
Previous

Pynsñiaw ka SNSBH ha u Montri Rangbah yei eh wow pynkrehkaam yaki kyndon COVID-19 wa thymme

Next

Da chah biang u su bai Admission ha KNGC ya kiwa slem