Ka DC ka East Khasi Hills da pynmih hukum ko ynne ka sngi wa nadooh ka 6 tarik uni u bnai da chah ya ki kari ki bru samen wow mih ki 100% katwa ki kari kamai nadooh ki City Bus, Mini Bus wa kynthup ya ki SSTS & SPTS Bus, Local Taxi, Auto-Rickshaw wa Maxi Cabs (SSPTS) deilang wa kiwa kamai cha kiwi ki District kiwa em ya ka All Meghalaya Tourist Permit (Swift, Alto, Tiago, Ertiga, Lodgy, Sumo Maxx etc) da chah wow kami ki 50% ha chi sngi.
Ini toh neibynta i por wym em Curfew itæ nadooh 5:00 waje i step hadooh 8:00 waje i miet.
Ki kari kamai kiwa mih na East Khasi Hills District toh u lai wan pyntip chwa ki cha Shillong yow pynsakhiat ki yeiwa da yoh tika wei yow e ya ki ya ka kot wa da pynsakhiat ya ini wa lada dep yoh namo ym pu em yoh tika wei wow kamai ki deiwa bood ya ka pali wa i rukom kit bru wa man kamni ha wah:
Nadooh ka 6 tarik hi, ki kari wa lai kamai cha East Khasi Hills wa na East Khasi Hills chawi kiwa em ya ka All India Tourist Permit hap ki wow lai cha ki jar jiar ki yung krehkaam ki DTO yow yoh ki ya ka kot wa pynyoo yeiwa da dep yoh tika lane ym pu em (Vaccination Status).
Ki kari wa wan na kiwi ki District hap ki wow pynyoo bha lada dep namo ym em yoh ki ya i tika.
Ki kari won wa wan na kiwi ki jylla hap ki wow pynyoo lada da dep ki wow yoh tika namo ym pu em iwa da pynsakhiat da ki bor wa pait ya ini chwa wow psiah ki chapoh ka jylla lane deiwa pynyoo ya ka Certificate of Vaccination lane ka Negative Test Report lane kiwa em ya ka Pass kawa e da ki bor wa pait ya ini.
Ki bru wa psiah chapoh ka jylla hap ki wow bood ya ki kyndon wa da pynmih da ka chnat Tourism.
Ki kari kamai (Tourist Vehicle) kiwa kit ya kiwa wan chi yung lane kiwa uiñke suwari wa wanlang chi kynhun ye ki wow thap bru katkam wa chah hapoh ka aiñ Motor Vehicle Act deiwa bood lang ya ki kyndon.
Ka DC da pyntip ko leh wa ka Night Curfew u krehkaam ko nadooh 8:00 waje i miet hadooh 5:00 waje i step man-ka-sngi.