Ka District Magistrate ka East Khasi Hills da pynmih hukum ko wow pteiñ ya ki Containment Measures hapoh ka District nadooh myntu ka 10 tarik hadooh wa pynmih hukum da kamwi neidaw wa kiwa dang yoh COVID-19 na kiwa chah Test dang em ki palat 10% hapoh ka District kawa tip leh kam ka Positivity Rate.
Da pynkrehkaam leh ya ka Night Curfew hapoh ka Section 144 CrPC nadooh 7:00 waje i miet hadooh 5:00 waje i step man-ka-sngi hapoh ka District. Ka Total Curfew u pynkrehkaam man ka sngi Sunday.
Ym chah wow pynman ya kiwon kiwon ki yalang paidbah, i lai cha kiwi ki District kamjooh wow mih wei wow psiah chapoh ka sor Shillong khlem da yoh ya ki Pass.
Ki kari kamai u chah 20% ha ki thaw wa cha sor katwa cha ki thaw wa palat sor won 30% deiwa pynyoo lada toh kiwa da dep namo ym pu em yoh yei tika.
Ki dukan u wai ki katkam ka hukum wa da pynmih ka DC.
Ki kaam chna yung u chah deiwa yoh bor na ka DC lane ki SDO (C), lane na ki BDO. Kamjooh emkaam wow yoh bor lada wanrah bru wakreh.
Kiwa leh Home Delivery, kiwa song baam, ki e-Commerce toh katkam ki kyndon.
Ki Saloon wa ki Beauty Parlour u chah u wai katkam ki kyndon wa pynmih da ka Health & Family Welfare ha ka Order No. Health.140/2020/9 dated 19th June, 2021. Kini hap ki wow yoh bor chwa na ki SDO(C) lane na ki BDO.
Ki yung krehkaam ka sorkar pyrdi wa ki sorkar jylla u krehkaam ki deiwa em 30% ki bru wakreh.
Ki Bank wa ki Post Office u chah u wai ki deiwa pynduna bru heiwa ki Bank toh u khang ki chwa ka 4:00 waje i sngi katwa ki Post Office won chwa ka 2:00 waje i sngi.
Ha ki yalang wa em wa yap bru u chah 10 ngut donhi ki bru deiwa yoh bor chwa.
Ki kaam rep wa ki kaam MGNREGA toh kiwa chah.
Ki kaam khayi wa kiwi ki ri toh kiwa daw pynbait da ki DCO (C).
Ki yung krehkaam ki bru samen toh kiwa da chah u wai 3 sngi chi tayaw du ya ki kaam wa jhan donhi deiwa yoh bor.
Ki thaw puræ u chah u wai ki du ya ki kaam skur deiwa yoh bor chwa.
Daw pait yei rukum ku kiwa chah ktah ha ka khlam wei daw chim ya kiwi ki rai katkam wa yah i por.
