Ka DC ka East Khasi Hills District da pynmih hukum ko ynne ka sngi neidaw wym chimkhia kiwa khayi, ki warep wa ki bru paidbah ha Anjali Parking Lot hanla ka sorkar da yaleh ko wow chah ya ki warep wa kiwa khayi wow dai ya ki mar yong ki ha Anjali Parking Lot yow lait u chah ktah i kamai kajih ki kamjooh yow yohlaad ki wow pynlai ya ki soh wa ki jhoor yong ki.
Da chem wa kiwa khayi wa ki warep ym em deiñ ki ya ki Mask wei wow yajngai uwi ya uwi wei ini da booh ko hei maa ya kiwa boon ki paidbah khamtam hawa pteiñ i ku kiwa yoh COVID-19 hapoh ka District.
Kamtæ da hukum wa neini chakhmat lada ym boon ya ki kyndon daw chah deiñ kuna ki katkam ka aiñ wa ki kyndon.
Waroh toh u deiñ ki ya ka Mask ar tylli heiwa kawi toh u man ko kawa da chna da ka that lane da ka N-95 Mask.
Hap yajngai uwi ya uwi da 2 Meter ha waroh ki por wei ym chah wow uiñ cha wah cha neiñ ka yaw lada ym toh wa emkaam. Ym chah leh wow ya khynnia ha iwi i thaw wei ym toh wow pynlut por chi slem ha ka thaw wa pynman yaw.
Da kyntu leh ya kiwa khayi wa ki warep wow chim smat ki yei tika yow yada ya idæ wa kiwa hayung yong ki yow lait nei poor ka khlam kamjooh yow lait nei pynman Lockdown iwa daw ktah yei kamai kamjih ki bru. Da booh leh ya ka thaw e tika man ka sngi Saturday ha Galerie Cinema.
Ki wym chim yei tika hap ki wow Test man ka 10 sngi katkam wa phah da ka chnat i chait i khiah.
Ki Executive Magistrate wa ki pulit da e bor ya ki wow deiñ kuna ya ki wym bood kyndon.
Kiwon kiwon ki wym bood kyndon daw chah khang ki wow leh yei kaam yong ki.