theme-sticky-logo-alt
theme-logo-alt
Advertisement ad1
Advertisement ad1

Da chah wow wai ki yaw, ki dukan wa ki kari kamai 6 sngi chi tayaw ha West Jaiñtia Hills

Advertisement ad1
Advertisement ad1

U District Magistrate ka West Jaiñtia Hills District da pynmih hukum u ynne ka 14 tarik yow pteiñ ya ki Containment Measures yow kdoh u khoom yei poor ka khlam COVID-19 hapoh ka District hadooh wa pynbna da kamwi. Ka hukum da ong ko leh wa da leh ya ini neidaw wa dang joor hi i poor ka khlam hapoh ka District.

Ki Night Curfew u krehkaam ko man-ka-sngi nadooh 8:00 waje i miet hadooh 5:00 waje i step

Advertisement ad1

Ki kaam wym chah u leh:

Waroh ya ki thaw puræ puthi, ki thaw e sikai u man ki kiwa khang tangwa toh u leh ki ya i e sikai lynga ka Online Class.

Ym pu chah wow pynman ya kiwon kiwon ki jait yalang paidbah.

Ki yalang hawa em i yap bru u chah wow em du 20 ngut ki bru deiwa yohbor na u DC lane na u SDO (Civil) Amlarem katkam i emkaam.

Ki kaam wa yatoh wa i bia kiwa pynman cha baar ki thaw mane u chah deiwa em 20 ngut donhi ki bru deiwa yoh bor chwa na u DC lane na u SDO ka Amlarem. Tangwa ym chah wow pynman ya i khawai bia.

Ym chah yei psiah kiwa uiñke suwari kiwa na baar jylla wei waroh ki thaw uiñke suwari u man ki kiwa khang.

Ki yaw wa pynman chisien chi tayaw u man ki kiwa khang.

I lai i wan cha kiwi ki jylla u man i iwa khang lait noh ya ki kari wa lai luti cha Assam/Tripura/Manipur/Mizoram. Kini ki kari ym chah wow sangeh ki ha ki thaw wa man chnong ha tymud u NH-06 uwa haap hapoh ka West Jaiñtia Hills District.

I lai cha kiwi ki District kamjooh pynhapoh ka District dang man i iwa khang lait noh kitu kiwa da yoh bor wei lada emkaam jhan ye wow leh ya ka ‘EPASS’ naka website www.megedistrict.gov.in. Da khang leh yei lai i wan wa khlemkaam wei kitu kiwa thok yei daw wa mih ki daw pynchitom katkam ka aiñ.

Ki kaam wa chah:

50% ki dukan u chah u wai ki ha Iawmusiang, CNI Market, Yaw Chyiap (JPC Market), Yaw Seiñriaj wa ha Iawthymme, Ladthadlaboh, Jowai deiwa pynbait ki Market Committee nadooh 9:00 waje i step hadooh 5:00 waje i janmiet. Ha ka sngi Monday toh u wai du ki dukan Odd Number, ha ka Tuesday u wai ki Even Number, ha ka Wednesday ki Odd Number, Thursday ki Even Number, Friday ki Odd Number wa Saturday ki Even Number.

Ym chah wow chongdai ha ki luti lai kjat, toh u booh ya ki Volunteer wa ki wakreh wow pait wa deiñ Mask waroh wei da leh yei yajngai uwi ya uwi. Hap leh wow booh ya ki thaw sait-kti wa ka um wa kai ha ki thaw wa pynman yaw. Lada em ki wym bood kyndon daw chah khang ki dukan hadooh ka yaw leh khlem da pyntip chwa.

Da chah leh wow wai 50% ki dukan ha ki thaw chongdai wa chipor wa em ha Yaw Seiñraij, Iawmusiang, Yaw Chyiap (JPC Market) Chutwakhu wa ha MTC Parking Lot, Iawmusiang katkam wa pynbait da ki Market Committee/Town Vending Committee nadooh ka 9:00 waje i step hadooh 5:00 waje i janmiet. Ki dukan u wai ki ha ka Monday kiwa em ya ki Odd Number, ha Tuesday kiwa em ya ki Even Number, Wednesday ki Odd Number, Thursday ki Even Number, Friday ki Odd Number wa Saturday ki Even Number.

Kini kiwa chongdai ha kini ki thaw wa da pynkhreh chipor, ka Market Committee/Town Vending Committee toh u pyntikna ki wa da bood ya ki kyndon yada na ka khlam wei ym toh wow chah u chongdai cha ki thaw wa em ha rood sarok lane ha ki luti lai kjat. Kiwa chongdai kiwa da chah jied, toh u kynjoh ktien ki cha ka Market Committee yow yoh ki yei thaw chongdai. U District Urban Planner-Cum-Secretary, Town Vending Committee daw phah ki yei pyrtuid kiwa chongdai cha ki Market Committee/Chief Executive Officer, Jowai Municipal Board.

I wai ki dukan dai marbaam (Retail Shop) kiwa em ha ki dong/chnong toh nadooh ka Monday hadooh Saturday 9:00 waje i step hadooh 5:00 waje i janmiet.

Ka yaw Lay By Market wa em ha Ialong u wai ko da ki Odd/Even Number nadooh ka Monday hadooh Saturday nadooh 9:00 waje i step hadooh 5:00 waje i janmiet.

I wai ki dukan Hardware, ki dukan dai pyrthap ha ki chnong wym em wa chah ktah ha u COVID-19 toh kiwa da chah u wai nadooh ka Monday hadooh Saturday nadooh 9:00 waje i step hadooh 5:00 waje i janmiet.

Ki Hotel, ki dukan ja, ki dukan cha u krehkaam ki deiwa song baam donhi ym chah wow chong baam.

Ki kaam chna yung, chna sarok wa kiwi kiwi toh deiwa bood thij ya ki kyndon.

Ki Bank, ki Post Office wa ki Telecommunication Service u krehkaam ki deiwa em ki wakreh 30%.

Ki Courier Service toh kiwa chah u leh deiwa bood ya ki kyndon.

Ki yung krehkaam ki bru samen u chah u wai ki 3 sien chi tayaw deiwa yohbor chwa na u DC lane na u SDO (C) Amlarem.

Ki yung krehkaam sorkar jylla wa sorkar pyrdi u krehkaam ki 30% nei em ki bru wakreh katwa kitu won kiwa leh ya ki kaam wym hoi u dam (Essential Service) u krehkaam ki pura 100% ki wakreh.

I wai ki dukan wa dai ya ki tiar ki tar wa yatoh wa ki kaam rep, ki sboh, ki symbe wa kiwi kiwi toh iwa da chah wow wai ki nadooh Monday hadooh Saturday nadooh 9:00 waje i step hadooh 5:00 waje i janmiet deiwa yoh bor chwa na u DC lane SDO, Amlarem katkam i emkaam.

Ki thaw wa leh Welding namo ki Steel Fabrication toh u wai ki nadooh ka Monday hadooh ka Saturday nadooh 9:00 waje i step hadooh 5:00 waje i janmiet deiwa yoh bor na u DC lane na u SDO, Amlarem.

Ki karkhana chna kari, kiwa dai tiar kari u chah u wai ki katkam wa emkaam deiwa yoh bor na u DC lane u SDO, Amlarem.

Ki kaam wa yatoh wa i ri wa i psan mrad, ki baam mrad hei wow kit u rah toh kiwa da chah.

Ki DRDA wa C&RD Block u krehkaam ki deiwa pynduna bru wakreh.

Da chah wow mih ki kari kamai deiwa kitbru ¼ na iwa hoi nadooh 9:00 waje i step hadooh 6:00 waje i janmiet deiwa bood ya kini ki ha wah:

  1. Ha ka sngi Monday u chah du ya ki kari wa em ya u Number 1,3,5,7 wa 9.
  2. Ha ka sngi Tuesday u chah du ya ki kari wa em em ya u Number 0,2,4,6 wa 8.
  3. Ha ka sngi Wednesday u chah du ya ki kari wa em em ya u Number 1,3,5,7 wa 9.
  4. Ha ka sngi Thursday u chah du ya ki kari wa em em ya u Number 0,2,4,6 wa 8.
  5. Ha ka sngi Friday u chah du ya ki kari wa em ya u Number 1,3,5,7 wa 9
  6. Ha ka sngi Saturday u chah du ya ki kari wa em ya u Number 0,2,4,6 wa 8.

Lait na kini ki kari, ki kari ki bru samen ym chah wow lai wow mih ki cha sarok lait noh kitu kiwa em ya ka ePass wa e da u Deputy Commissioner.

I khayi pateiñ khappood ha Tamabil Dawki toh iwa da chah u pteiñ katkam ki kyndon wa da booh da u SDO (Civil) Amlarem.

Ki dukan ah sñiooh (Saloon/Beauty Parlour) da chah wow wai ki nadooh ka Monday hadooh Saturday nadooh 9:00 waje i step hadooh 5:00 waje i janmiet deiwa bood ya ki kyndon wa da booh ka sorkar.

Kiwa dai tim da chah wow wai ki nadooh ka Monday hadooh ka Saturday nadooh 9:00 waje i step hadooh 5:00 waje i janmiet deiwa bood ya ki kyndon wa da pynmih da ka chnat i chait i khiah.

Ki yungmane Blai u chah u wai ki katkam ki kyndon wa da pynmih da ka sorkar.

Ki yung krehkaam ki skur, ki College wa ki yong ki bru samen u krehkaam ki deiwa em ki bru wakreh 30% deiwa yoh bor chwa na u DC lane u SDO ka Amlarem Sub-Division.

Ki Gymnasium/Yoga Institute/ Fitness Centres da chah u wai ki deiwa yoh bor chwa na u DC ka District lane da u SDO ka Amlarem Sub-Division.

I wan ki bru wakreh (Skilled Manpower) ya ki kaam chna yung wa kiwi kam kini ki jait toh deiwa yoh bor chwa na u DC ka District lane na u SDO ka Amlarem Sub-Divison katwa emkaam.

Kiwi ki kaam wa da chah nadooh ini wa dep u pteiñ ki kamjooh deiwa ye u pynsakhiat leh manda lai ya ki kaam ki jaam.

Share this:
Previous

Ha khaddooh da ya soi ya ka soskular noh-jhep neibynta 3 bnai

Next

Da wan khat lut ya i jhep wa neh ha Iawmusiang, Jowai