Ynne i step heipor kamwa 8:45 da chem ya iwi i metyap u Rajen Sherch (42 snem) uwa na Udaipur District, Nepal ha iwi i krem mooyong ha 3 Kilo, Umrongso ka Dima Hasao District ka jylla Assam.
Uwa e ktien ka NDRF, u Amod Kumar da pyntikna u wa da chem ya ini i metyap yeiwa da e kti noh ha ki bor pulit.
I thooh ya kiwa dang sahkut ha ini i krem mooyong da yahkhmat da ka 1st Battalion ka NDRF wa ki chipai ka Army Para Divers.
Ki chipai ka NDRF, SDRF, Indian Army, Navy, Assam Rifles wa Fire & Emergency Services dang pyrchang ki wow thooh ya kiwa dang sahkut.
Da antaad wa dang em sa kamwa 12 ngut kiwa sahkut wei kini toh kiwa na Assam, West Bengal wa Nepal.
Kani ka thaw tih mooyong man ko pyrchah ya ka aiñ wei da antaad wa ha ka 6 tarik da chlai um ko deiwa em ki bru wa tih mooyong chapoh kawa yillu kamwa 300 ft heiwa ka um da ku ko chadooh 100 ft.
Heiyatoh wa ini da e FIR pyrchah ya u Punish Nunisa wei da kem leh ya oo.
Discussion about this post