Ka Northeast Institute of Professional Studies, ka chlem e sikai seiñ khih yong idæ ha ka 21 tarik u Kmaichonglad, 2024 da yoh ko wow saam ya ki Certificate deilang ki tiar kreh namo ki Start Up Tools cha ki 200 ngut kiwa da pyndep yei chah sikai pynpliah yei sap kreh mistri na kylleiñ ki chnong kiwa haap hapoh East Jaiñtia Hills.
Kani ka e sikai wa tip kam ka Rural Masonry Program toh kawa da neh 3 bnai deiwa kyrchaan da ka Meghalaya State Skills Development Society (MSSDS).
Ha kani ka sngi da wan wow emlang nadooh u MDC yong ka Bataw–Lakadong Constituency, u Dr. Sankey Shangpung uwa man leh u Chairman ka JHADC kam u kongsan deiwa emlang u Boimi Dkhar wei man u leh kam u Skill Development Officer (SDO) yong ka Meghalaya State Skill Development Society kam u symbood kongsan.
Kiwa da pyndep yei chah sikai da chimkti ki leh ya ki tiar wow yarap yow sdang wei seiñ khih da i yong ki hi.
Ha kani ka yalang da yoh leh yei klam na u Michael Thongni, Managing Director wa Chief Executive Officer, NeIPS, na u kongsan wa kamjooh na u symbood kongsan.
Discussion about this post