U khynnah uwa dang 13 snem uwa na chnong Pdeiñiadaw, WJH uwa lai pynhaap Cement na Lumshnong cha 14 Mer ka Kamrup District ka Assam deiwa yah u Makhian u oo ha ka 19 tarik uni u bnai wei da wiar u hei step ka 20 tarik napoh ka Truck wa thiah ki. Da chem biang ya oo.
Katkam wa pyntip u Makhian uni u khynnah, hei step ka 20 tarik, nyngkong khai thiah u heipor kamwa 7:00 waje i step wei da yoo u ya u pyrsa u wa kyndehke u ya ka Mobile Phone u, kamtæ da thiah biang u wei manda khyrngiat u heipor 9:30 ym em de uni u khynnah hapoh ka Truck heiwa ki that ki nep u leh da ieh u ki.
Hadien ini da lai thooh ya uni u khynnah waroh chi sngi wei da lai booh leh ya ka FIR wa ki pulit ka Assam.
Hadien kattu katni sngi ha ka 22 tarik da pyntip da ki bru kiwa na Sehlama wa uni u khynnah em u wa ki.
Hawa kylli takit ya uni u khynnah, da ong u wa da joor ware wa ptai wa chatæ u wei da kwah u wow liwan yung tangwa ym nood u wow khana ya u Makhian u neidaw wa tieñ u.
Kamtæ da chim poisa u Rs. 500 na u Makhian heipor wa dang yohthiah u wei da hiar u napoh ka Truck heiwa nyngkong da ku kari u deiwa lai cha Byrnihat. Neini won da chim kari u hadooh wa poi ha Ummulong.
Na Ummulong da chong kari kamai u pyn wa ki bru wa tipmit oo kiwa da kylli ya oo heiwa da ong u wa phah u Makhian u oo wei da hiar kari u ha Sehlama yow lai cha iwi i yung wa jooh chare masi deiwa ong wa phah u Makhian u oo manda poi u heini leh.
Da leh u yeini neidaw wa tieñ u wow liwan yung wei dapoi u leh ha ini i thaw ha ka jooh ka sngi wa wiar u.
Ha kani ka yung da paan biang u na ki wow chare masi heiwa da neh u heini ar sngi. Hadien wa yoo kani ka manyung ya ka khubor wa wiar u, da Phone ki cha u Makhian u heiwa da wan li thooh ki oo.
Chwa ini leh em ki bru kiwa Phone cha u Makhian uni u khynnah kiwa pyntip wa yoo ki ya uni u khynnah ha Ummulong.
Neiliang ka yung ka sem uni u khynnah da e khublei ki ya waroh kiwa da yarap wow thooh ya uni u khynnah.
Discussion about this post