Ki arngut kiwa chi jur kiwa yut da na yung wei da wiar ki nadooh ka 20 tarik u Naikhynde uni u snem wa kynthup ya u Wanboklang Kurbah (20 snem) uwa na Kyntoit Traw Saitkhlieh waka Phibankyntiew Sun (18 snem) kawa na Marbisu kiwa man ki chnong wa dang haap hapoh ka East Khasi Hills District, da chem noh yei metyap ka Phibankyntiew.
Yeiwa dang sah ka Phobankyntiew da chem pyn napoh u pood u ang ka chnong Traw Saitkhlieh hi iwa da sdang pyut wei da em wa yoo nyngkong da ki kattu katni ki bru kiwa lai lyngba ka khloo wa em ha kani ka thaw ha ka 2 tarik uni u bnai tangwa da ye wow pyntikna ynne i janmiet.
Ya kini ki ar ngut da thooh kattu da jan dap ar tayaaw, tangwa kiwa ha-yung ka Phibankyntiew da yoh ki ya ka khubor wa sñiawsih, katwa ya u Wandonbok Kurbah hadooh ynne ym pu chemdien.
Yei met ka Phibankyntiew da sai noh da ki pulit ynne i janmiet wei da pynkit noh cha Civil Hospital Shillong yow pyndep ya ka Post-Mortem.
Katkam i pyntip kiwa ha-yung ha-sem, i met ka Phibankyntiew toh iwa da sdang pyut wei ym ye de wow tip leh yei durkhmat wei nei long i man yong i met yong ka da suba wa da chah leh dusmon wei da ye wow pyntikna wa toh ka Phibankyntiew toh na ki Tatoo wa em ha rdang wa i kti ko.
Kam wow pynkynmoo wa ini wa dep ki pulit da pynemkaam ki da u Drone wa ki ksaw hadien wa em wa ong wa da yoo ya kini ki ar ngut hapoh kawi ka synrang wei da em leh wa yoo wa thied ja ki na dukan.
Puræ leh: Da ki ksaw wa u Drone lai thooh ki pulit ya ki chi jur kiwa da wiar nadooh ka 20 tarik
Discussion about this post