Sa iwa i jia wa suba toh wa chah slaitbor wei chah pynyap, da jia biang i ha East Jaiñtia Hills heiwa da chem yei metyap yong kawi ka khynnah skur ynne i janmiet.
I metyap wa chem toh yong kawi ka khynnah Class X kawa na chnong Pamrakmai, East Jaiñtia Hills heiwa yei metyap da chem na iwa i khloo wa tip kam i Ar Kilo.
Kani ka khynnah toh kawa dang 16 snem kawa chem da kiwa dang pynkit moo ha kani ka thaw. Nyngkong ym tipmit ya kani ka khynnah tangwa napoh ka muna skur ko da chem yei pyrtuid ko na ki kot ki sla skur wei da pyntip cha ki kur kani khynnah kiwa hadien da pyntip won cha ki pulit kamjooh da thooh leh ya kiwa hayung hasem ko.
Kani ka khynnah toh kawa lai skur ha Wapungskur Higher Secondary School.
Katkam wa pyntip kiwa ha yung kani ka khynnah, ym em poi yung ko na skur nadooh ynnin ka sngi.
Kiwa hayung da pyntip ki wa da Phone ki yaka Mobile Phone ko tangwa da em wa jubab kiwa ong wa ieh ko ka ha skur.
Kam wow pynkynmoo wa ynnin u snem leh da em kawi ka khynnah skur wa chah pynyap ha East Jaiñtia Hills kawa lai skur ha Tia Charphrang Higher Secondary School, Sohkymphor kawa puræ Class IX wei da wiar ko hadien wa liwan ko na skur wei da chem yaka na iwi i khloo.
