Ki bru ka State Disaster Response Force (SDRF), Meghalaya, da ye ki wow chem yei metyap uwa kiñ lieñ uwa 23 snem i rta hadien wa wiar u nadooh ka 19 tarik ha Wahrew, Sohbar.
Uni uwa khlaad toh uwa tip kam u Lateilang Ryngnga, wei da ngam um u hadien wa kylla ka lieñ wa kiñ u deiwa emlang le ngut ki Tourist heiwa ya kini ki le ngut da ye wow pynlait da kiwa em chajan tangwa ya u Lateilang ym chem de oo.
Ki bru ka SDRF dapoi ki ha kani ka thaw wa jia ha ka 20 tarik wei da sdang wow thooh ya uwa wiar deiwa yarap ki bru ka SRT na ka Fire & Emergency Services. Kamtæ hei i janmiet ka 21 tarik heipor kamwa 5:30 da em kiwa khwe dakha kiwa yoo ya iwi i metyap iwa pær ha ka um.
Neiliang ki bru ka SDRF deiwa yarap kiwa chong chnong wa ki pulit ka Bholaganj Outpost da sai ki yei metyap heiwa da chimkti ki pulit hadien wa dep u leh yeiwa emkaam.
Uwa khlaad toh uwa chong chnong ka Sohbar wei heipor wa jia ym em sap Life Jacket u katwa ki Tourist won sap hi ki wei da ye wow pynlait ki da kiwa kiñ lieñ wa em hajan.
Da antaad wa jia ini ha i bynta wa rap khlanbor ka wah iwa tip kam i Tharia hadooh wa kylla ka lieñ wei ye u man wa taan ka um ya u Lateilang.
Neilang ka yung ka sem da paan bor ko wow pynlait nei leh Post-Mortem heiwa u SDO ka Sohra Civil Sub Division da mynjur u yeini wei da e kti yei metyap yow pyndep ya ka niam ka rukom.
Discussion about this post