U Montri Rangbah ka jylla, u Conrad Sangma da ong u wa em ki kyndon wa hap u bood manda jied ya ki dkhot ka Meghalaya State Commission for Women (MSCW) wa ya u Chief Information Commissioner (CIC) wei kini waroh da chah ktah ki neidaw wa em ka khlam COVID-19.
Kam wow kdaw heini wa ka MSCW ym em ko ya ka Chairperson nadooh u Naichiphaw, 2020.
U Montri Rangbah da ong u wa u ya ini i kaam da emkaam wow sylli chwa ya i pyrtuid ki bru kiwa da thap pyrtuid.
“Ha chi snem wa da dep, neidaw wa em ka khlam, ini waroh ym ye wow leh hei rukom wa toh. Kamtæ da pynslem ya ini waroh neibhah wa hap wow bood ya ki kyndon,” da ong u Conrad.
U Conrad da pyntip u leh wa ini i kaam dapoi i ha ka miej u Montri ka chnat Social Welfare.
“Kattu daw chong pyrkhat ya ini wei daw chim ya ka rai neibhah ini i kyrdan toh iwa emkaam,” da ong u Conrad.
Heiyatoh won wow thung noh ya u CIC hadien wa da kut ka smaoi u Barkos Warjri ha u Wisu (March) uni u snem, u Montri Rangbah da pyntip u wa ya ini leh hap wow bood ya ki kyndon.
“Ini leh da chimpor i neidaw wa em ka khlam COVID-19,” da pyntip chooh chooh u Conrad.
