Da chna da uwi u sarok yow ye u lai ki Bus cha ka ISBT Mawiong

U Montri wa pait ya ka chnat Transport, u Sniawbhalang Dhar da pdiang u wa i wym chah ya ki kari heh wa kynthup ya ki Bus Night Super wow lai lyngba ka yingkieñ Umiam da pynman ya ka Inter State Bus Terminus (ISBT) ha Mawiong wow thylli ko wei khlem da ye wow pynkrehkaam.

Hawa yaklam wa ki laad pathai khubor ynne ka sngi, u Montri da ong u wa ka sorkar kattæ da pynkhreh ko chaaid chaaid ya kawi ka sarok wa thymme kawa psiah lyngba ka Mawlai Bypass chadooh Shillong Airport ha Umroi, wei neiliang ka chnat Transport da kyntu ko ya ka chnat PWD (Roads) wow pyndep noh ya uni u sarok ha i por wa booh khnang wa ki kari heh u yoh ki wow lai na uni u sarok thymme yow ye u pynkrehkaam ya ka ISBT.

Hawa kylli, da khana u wa neiliang ka chnat PWD da pyntip ko wa ya utai u sarok daw ye wow pyndep hapoh chi snem, wei da khana u wa da kyntu ya ka PWD wow pyndep rap smat chwa yei por lada man iwa ye.

Kam wow pynkynmoo wa ya ka ISBT ha Mawiong da wai paidbah da u Montri ki Kaam Pohyung ka ri India, u Amit Shah ha u Naiynñiaw, 2021 wei i lut waroh neibynta wow chna ya kani ka thaw dapoi ko Rs. 48 klur deiwa mang poisa na ka North Eastern Council hapoh ka DoNER Ministry kawa man 90:10 wa ka sorkar jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025