Da chna ka sorkar jylla ya ka High Level Committee wow thooh ki laad ki luti wow kyrriah ya kiwa sah ha Themmator

Shillong: Ha ka hukum wa pynmih da u Additional Chief Secretary ka jylla, Political Department da pyntip wa da chna ya ka High Level Committee heiwa u symbood montri rangbah ka jylla, u Prestone Tynsong u man u kam u Chairman, u James P.K Sangma, u A.L Hek, u Banteidor Lyngdoh wa u Hamletson Dohling, kiwa man kam ki montri ka sorkar wa u P.N Syiem, u Chief Executive Member, Khasi Hills Autonomous District Council u man ki kam ki dkhot kani ka Committee deilang wa u DP Wahlang, Principal Secretary, Urban Affairs.

Kani ka High Level Committee da chna ya ka wow sylli ko ya ki kot ki sla wa kiwi kiwi heiyatoh wei kyrriah ya kiwa sah ha Themmator kawa tip leh kam ka Sweeper Colony, Sweeper Lane, Mawlong Haat wei wow thooh ki laad ki luti wow kyrriah ya ki.

Kani ka Committee u krehkaam ko nadooh ynne ka sngi wei wow phah ko ya ka bui wa ka yumut cha ka sorkar jylla katwa smat ko.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025