15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Wan poi ki montri ka sorkar Punjab ha Shillong yow chem yeiwa sakhiat

0 Comments

Jowai: Ka Committee wa soo ngut ki MLA na ka jylla Punjab hapoh i yahkhmat hapoh i yahkhmat u Minister of Jail and Cooperation, u Sujinder Randhawa ynne da yachem ki ya u montri rangbah ka jylla, u Conrad Sangma wow tip yeiwa sakhiat ha Shillong.

Hawa yaklam hadien wa kut ka yalang, u Randhawa da ong u wa neiliang u Conrad da ong u wa ka kaam man ko kawa jai jai katni wei waroh ki bru Sikh em ki hapyrdi i chongsuk.

Da ong u wa i wan yong ki cha ka jylla toh wow chem yeiwa sakhiat wei lada man i iwa sakhiat katkam wa yoo ki ha ki Social Media neibhah wa neiliang u Conrad da ong u wa kini kiyi kiyi waroh man ki kiwa bakla.

Katkam wa ong u Randhawa, u montri rangbah ka jylla Punjab, u Capt. Amarinder Singh da yaklam u wa u Conrad hajrong ini iwa jia yow sniawthooh yei wa jia.

Da pynksan u leh wa emkaam wow pynneh pynsah ya ka chongsuk hapoh ka jylla neibhah wa em ki khynnah na Meghalaya kiwa puræ ha Punjab wei ym kwah ki wow mih iwon iwon i awri, wei daw phah ki ya ka khubor cha ki Sikh wa ka sorkar jylla Meghalaya man ko kawa da leh yeiwa emkaam wow yada ya ki Sikh.

Da ong chooh chooh u wa ka Punjab da maad ko yei eh i khoo na kam ki kaam seiñ kieñ suloi tangwa ym jooh em kam kini ki awri yaphær jaitbru.

Heiyatoh won wei wow kyrriah ya kini ki bru na kani ka thaw, neiliang yong oo da ong u wa ki jaitbru Sikh da kam ki wa da em ki ya ka Stay Order na ka yung kasari wei lada toh wow kyrriah ya ki man i iwa daw chimpor bha.

Previous
Next

0 Comments

Leave a Reply