Khliehriat: U District Magistrate, East Jaiñtia Hills District, Khliehriat da pyntip u wa da chna ya ka Sub Committee wa ki dkhot wow pait yei pynkrehkaam ya ka Section ka aiñ Cigarette and other Tobacco Products Act 2003 namo ka wow pait yei dai duma wa cigarette.
Kani ka Committee u kynthup ko ya u S.S. Syiemlieh, MCS, Addl. Deputy Commissioner kam u Chairman; u S. Marwein, MCS, Extra Assistant Commissioner kam u Member Secretary, u Dy. Superintendent of Police (Headquarter), District School Education Officer, Sub Divisional School Education Officer, District Information Public Relation Officer/ Journalist wow man kam ki dkhot.
Kani ka committee toh u lai sylli ko wow pyntikna wa ki dukan ym em dai cigarette namo duma ki hapoh 100 yard na ki skur wa ki thaw puræ kamjooh wow khang yei dai duma ya kiwa hapoh 18 snem.
Heijooh i por kani ka Committee toh wow ujor (FIR) lada chem yeiwa tyngkheiñ ya kani ka aiñ, wow pynman ya i pynsñiawthooh paidbah hajrong kani ka aiñ, wow kreh wa kiwi ki seiñ wow pynman ya kani ka kaam kawa jop, namo kiwon kiwon ki aiñ kiwa yatoh wa kani ka aiñ.
Discussion about this post