15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Maham beh ka KSU ya ki wakreh Toll Gate ha Lumshnong

0 Comments

Jowai: Ynne ka sngi, ka Khasi Students’ Union (KSU) JHDU hapoh i yahkhmat u Ohibait Dkhar, President deiwa yakrehlang waka KSU Narpuh Circle da lai khynra ki yaka Work Permit wa Labour License ya ki wakreh na baar jylla wa kreh ha Toll Gate Plaza wa em ha Lumshnong.

Ha kani ka lai khynra da chem kamwa 32 ngut ki baar jylla wakreh ha katai ka thaw, wei tang uwi leh ym em Work Permit næ Labour License wei ka seiñ da e por ko 3 sngi ya ki wow pynbiang ya ki kot ki sla wei daw wan biang ka seiñ ha ka sngi nyngkong (Monday). 

Ka seiñ da yoh yutip ko leh wa kitai ki wakreh kiwa na baar jylla toh kiwa leh heh heipor wa leh ki ya i kaam yong ki heipor wa ym em ki wakreh kiwa man ki tre chnong. Da kam leh wa kitai ki baar jylla pynthut ki ya ka lai ka wan ki kari kamai kani ka thaaiñ kamjooh leh ki kari ki bru samen wei da daiñ kuna ki katwa ngait ki.

Ka seiñ da yoh yutip ko leh wa i rukom kheiñ bai lai bai wan yaphær ko naka Tollgate Lumshnong wa ka Tollgate wa em ha Pasyih WJH. Ka Toll Gate wa em ha Pasyih WJH, ki wakreh tipmit ki ya ki tre chnong næ ki kari kamai wa ki kari ki bru samen yong ka thaaiñ, katwa ka Toll Gate ha Lumshnong ym tipmit ki neidaw wa ki warkreh toh du ki baar jylla.

Ha kani ka jooh hi ka sngi, ka seiñ ym chah de ko ya kini ki wakreh baar jylla wow pteiñ ki u chim dan wei haka sngi nyngkong toh u mih noh ki wei lym kamtæ ka seiñ ym banse ko wow leh da iwa eh.

Ha katei ka khynra da emlang leh u SS Niangti Financial Secretary KSU JHDU, KS Suchiang President KSU Narpuh Circle wa ki dkhot. 

Ini toh katkam wa pyntip da u Laitphar Syngkrem Publicity Secretary KSU JHDU.

Previous
Next

0 Comments

Leave a Reply