Ka Pnar Student Movement (PSM) Central Body hei yahkhmat u President Rangbah ka seiñ, u Embhah Passah wa u General Secretary, u Wompher Wann deilang wa ki kattu katni ki dkhot, ha ka 3 tarik da lai booddien biang ki yei pynbna namo ka Notification Notice wa da pynmih da ka 100 Bedded MCH Hospital Jowai. NO. MCH/Hosp/WJH/MHIS-PMJAY/HR/24-25/3242. Dated: Jowai the 6/11/2024 neibynta ki 9 tylli ki kreh Grade lV wa 4 tylli ki kreh PMAM/DEO, heiwa neiliang ka seiñ dadep lai yachem ko neibynta wow paan pynche na ka DMHO wa na ka Medical Superintendent ka MCH Jowai ha ka 09-07-25 heiyatoh wa i slem yong ki wow khut pynman ya ka Written Exam wa Interview kini ki kreh wa lait.
Hadien wa da yang da boon tylli ki bnai khlem da yoh yei pynche, neiliang ka seiñ da lai yachem wei da booh ko dei thoh ha u DC ka West Jaiñtia Hills District tangwa neidaw wym em u da yachem wa ka Additional DC, ka B. Blah yow khana yeini wym yoh yei pynche na ka DMHO wa ka Medical Superintendent ka MCH Hospital Jowai yei daw wym khut yaleh ya kini ki kreh wa lait neibhah kattu daw dap chi snem nadooh wa pynbna wei da em boon kiwa thap yow yaleh kreh iwa da pynsuba boi em iyi ræ iyi i thmu wow murieh.
Neiliang ka Additional DC da kular ko wow chimkhia u yaklam wa u DC heiyatoh wa ini i kaam wei da ong ko leh wym em tip ko chaphang wa sahteiñ ini i kaam wei hadien wa yoh ko yei pynche daw pytntip won ko cha ka seiñ.
Discussion about this post