U Director General of Police (DGP) ka jylla, u Dr. Lajja Ram Bishnoi da khana u wa ka chnat pulit da dep pynbiang wei pynbait katkam ka ‘Roster System’ neibynta ki kaam pulit langrut (Constable) AB wa UB, da khana u wa da dep wow phah leh ya ini i pynbait cha ka chnat Kaam Pohyung yong ka jylla.
Da ong wa hadien wa ka chnat Kam Pohyung da dep ko wow bichaar wei daw phah cha ka chnat Personnel, ka wow pynmih yei pynbna lada pdiang ko ya ka ‘Roster System’, wei hadien yong ini daw ye u pynman noh ya ka Interview.
U heh pulit ka jylla da pynsñiaw u wa ka chnat pulit da kwah ko wow pyndep noh yei pynpsiah kaam hapoh u Kmaichonglad (Dec) uni u snem lada waroh lai i katkam i pynkhreh yong ka chnat.
