Ka Bataw Youth Welfare & Sports Club (BYWSC) kawa man ka dhab yalehbol ka Dorbar Chnong Bataw, East Jaiñtia Hills ynnin ka sngi da yoh ko ya ki sula Jersey wa thymme.
Ya kini ki Jersey da e sñiawbha da u Streamly N Suchen heiwa da e kti u leh ya ki bol wa kiwi ki tiar yalehke.
Ha kani ka sngi wa e kti ya kini ki sula da emlang u Waheh Chnong, u Chemi Rupsi, u Symbood Waheh Chnong, u Skhem Sumer, u Secretary Chnong u Hosting Pajat, u Secretary Chnong Ladrymbai-B u C. Suja, u Bhamon Shylla na Byndihati, u L. Langstang na Sohkymphor, u Deihok Sumer wa kiwi kiwi.
Ya ka yalang ha kani ka sngi da pynlai da u JR Rupsi uwa man uwi na ki khynroo wa pawkhmat ka thaaiñ Bataw.
