I metyap u Ishaque Ali Khan Panna uwa man kam uwa yahkhmat ka seiñ saiñpyrthai ka Bangladesh kawa tip kam ka Awami League, da wan wow chimkti noh da kiwa ha-yung u na Khliehriat Civil Hospital ynne i step.
Yei metyap u da pynpsiah cha Bangladesh lyngba ka Dawki Land Port deiwa emlang ki bor ka aiñ na waroh ar ri.
Yei metyap u daw kit cha chnong u wa em ha Pirojpur District, Bangladesh.
U Panna toh uwa jooh man kam u General Secretary ka Bangladesh Chhatra League kamjooh u dkhot ka Pirojpur District Awami League wei man u leh uwa yajan bha ka wa Sheikh Hasina kawa man kam ka Prime Minister warim ka Bangladesh kamjooh ka heh ka Awami League.
Hadien wa joor ka yakhih ha Bangladesh, u Panna da yut rieh u wei da mih ka khubor wa da yut u cha India ha ka 23 tarik uni u bnai heiwa yei metyap u da chem na iwi i bri kwai wa em ha Dona Bhoi, East Jaiñtia Hills ha ka 26 tairk wei nei metyap u da chem leh ya ka Passport u.
Ini i thaw wa chem yei metyap u toh iwa jngai du 1.5 Km na u pood wei da antaad wa da psiah u cha India lyngba ka thaaiñ Sylhet wei hadooh kattæ ympu tip lada em kiwi kiwa wan lang wa oo cha India.
Yei daw wa yap u ympu tip tikna tangwa da suba toh wa em wa ksih oo heiwa ya ka Post-Mortem u da pyndep ha Khliehriat Civil Hospital.
Neiliang ka Ministry of External Affairs ka ri India da ya krehlang ko waka Ministry of Foreign Affairs ka ri Bangladesh deilang waka sorkar Meghalaya yow e kti noh yei metyap u Panna.
Discussion about this post