Khliehriat: U Deputy Commissioner, East Jaiñtia Hills District da pyntip u wa kiwa khih mylla wa dang neh hapoh ka District wa da em 200 tylli ki rel wa da krehkaam hapoh ka ri nadooh ynne ka sngi chirup wa ki rel Shramik Special.
Katkam ki kyndon ka Ministry of Home Affairs (MHA) waroh kiwa chong rel emkaam wow chah screen ki wei wa ki rel toh ki AC wa Non AC Class.
I dor yong ki ticket u man i katkam wa da booh da ka chnat railways kamjooh leh ki luti wow lai wow wan ki rel wei ym em de ka Waiting List kamwa nachwa.
U Deputy Commissioner da pyntip u wa ka booking neibynta ka Tatkal Ticket ye u leh nadooh ka 29 Naiynru wei ki tarik wow lai toh nadooh ka 30 Naiynru.
Kiwa lai luti toh u poi ki 90 minit chwa i por wow mih ka rel khnang wow ye u leh ya ki thermal screening ha station wei manda poi thaw emkaam wow bood ya ki kyndon wa da booh da ka sorkar.
Wow cancel ticket wei ka bai pndong ya ka poisa u man ko katkam ka Cancellation of Tickets and Refund of Fare Rules, 2015.
Heiyatoh wa ki baam wa ka um, daw pyntip heipor wa book ticket.
Kiwa lai luti da ki rel emkaam leh wow download wei wow pynemkaam ki ya ka Aarogya Setu.
Kani man ko kam chibynta yong ka yutip neibynta kiwa khih mylla hapoh ka District wei kiwa kwah wow uiñ biang emkaam wow register ki wa ka District Task force, East Jaiñtia Hills District.
Discussion about this post