Ynne ka sngi ka JYF-Jowai Circle da lai yachem ko ya ka Superintendent ka Jowai Civil Hospital, Ialong ka Dr. R. Pohrmen hapoh i yahkhmat u President ka seiñ, u Neal Jordan Rymbai.
Ini i lai yachem toh neibynta wow booh ya ka ATM heiwa neiliang ka Doctor da ong ko wa neiliang yong ka Hospital leh da phah kot ki nadooh u 2019 cha ka HDFC Bank wow booh ya ka ATM wei ka Bank leh smat ko wow booh ya kani ka kor tangwa neidaw wa wan ka khlam COVID-19 da pynsangeh noh chwa yeini i thmu.
Hajrong ini neiliang ka seiñ da kyrpaad ko ya ka Hospital wow leh noh yeiwa emkaam khnang wow suk ki paidbah.
Kani toh katkam ka wyrta na u Publicity Secretary ka seiñ, u Clifford Marx Shylla.