Da emkaam ya ka website yong ka MPA wow pynsuk ya kiwa da chong-ngiah na ka sorkar

Shillong: Ka 38^th Annual General Meeting yong ka Meghalaya Pensioners’ Association (MPA) da pynman ya ka ynne ka sngi ha Seminar Hall, State Central Library, Shillong heiwa da wan chimbynta ha ka da u BK Dev Verma, IAS (Retd), Chairman, Food Commission, Govt of Meghalaya kam u kongsan.

Hawa e i klam u Verma da ong u wa kiwa baam tymmen na ka sorkar (Government pensioners) toh ka bynta kawa kongsan tam neibhah ha ki snem wa da kreh ki da e ki i chakri wow pynku ya ka ri waroh kawi katwa kamtæ emkaam wow man kiwa yajan ha kiwon kiwon ki bynta.

Da pynche u ya ka yalang wa dei angnood ka sorkar jylla wa ka sorkar pyrdi, da thooh ya ki laad wow pynsuk yei eh i khoo wa yachem ki deiwa pachat wa ka MPA toh u em ko ka website dei yarap ka sorkar jylla wow yarap ya kiwa da chong-ngiah. Da pynrap u yei emkaam wow pynman ya ki Pension Adalat neipor cheipor yow ap u sñiaw yei chitom wa yachem ki.

Neiliang ka MPA da wanrah ko leh ya ka bui krehkaam wa chi snem namo ka Annual Report deiwa e khublei leh ya ka sorkar jylla kawa da pteiñ wow e yarap ya ki hawa chitom (Medical Allowance) kiwa hapoh ka 5^th Pay Commission.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwi kiwa da klam ha kani ka yalang toh u M Syrti, Vice President, u GW Syngai, General Secretary, T Diengdoh, Vice President wa u T D Khonglah, Working President uwa da pynlai leh ya ka yalang.