Shillong: Ka Committee on Empowerment of Women ka Yung Dorbar Chna Aiñ, ka jylla, da phah hajir ko ya u Deputy Commissioner wa u Superintendent of Police ka East Jaiñtia Hills District ha ka 26 tarik uni u bnai hajrong i chah thombor ka Agnes Kharshiing wa ka Amita Sangma ha 8 tarik uni u bnai ha Tuber Shohshrieh, EJH.
Hawa yaklam wa kiwa pathai khubor hadien ka yalang ynne ka sngi, ka Chairperson ka Committee ka Ampareen Lyngdoh da ong ko wa da phah hajir ya ki bor synchaar ka District wow e yutip ki hajrong ini wa jia.
Katwa u HM Shangpliang uwa man u dkhot kani ka Committee, da ong u wa ha ka 26 tarik, da phah hajir leh ya ka State Commission for Women wow pyndep ko yei kaamram yong ka wow pyntikna wa chngaaiñ ki kynthai.
Da ong wa ha ka 3 Kmaichonglad (December) daw phah hajir leh ya ka Social Welfare Department wow pynche ki ya ki scheme wa pynkrehkaam ya i pyntoh pyntne ya ki manbei kam ka Chief Minister Social Assistance Scheme (CMSAS) kawa ym em pynlait poisa hadooh ynne ka sngi.
Discussion about this post