Da hap wow pynsangeh chwa yei thmu pynman ya ka Jowai Local Trade Fair

Ka Jowai Local Trade Fair kawa da booh wow pynman ha ka 6 wa 7 tarik uni u bnai, da hap wow pynsangeh ka chipor wei daw pynbna won ya ki tarik wa thymme.

Neiliang ka Treyorika Sarah Lywait, kawa na ka TSL Events Jowai wa pynman ya kani ka Local Trade Fair, da paan maap ko yeini wei ya kitu kiwa dadep su chwa ya ka bai dukan daw pynuiñ noh ka ko poisa ki wei ye ki leh wow yang hadooh wa pynbna ya ki tarik wa thymme yow pynman ka kamwa da thmu hi.

Yeini da chim rai wow pynsangeh hadien wym em laad de da kawi neibhah da em kiwi kiwa daw pynemkaam yei thaw wa mut wow pynman ya kani ka Local Trade Fair ha Hall ka Tympang Club wa em haneiñ ka SBI ha Iawmusaing.

Kamwa man kattæ dang yaklam wa ki bor ka chnong yow yoh ya ki tarik wa thymme.

Related posts

Daw synraan ka US Navy ya ki jhaad kit phniang ha Strait of Hormuz

March 7, 2026

Maham u Trump wa daw haap noh sa ka Cuba

March 7, 2026

Kamtæ neiliang kiwa pynman ya kani ka Jowai Local Trade Fair da ong ki wa ini toh i pynthut wa chipor donhi wei daw pynman ka kamwa da thmu hi yow yarap ya kitu kiwa pynmih da ki yong ki hi ki mar yow yarap ya ki wow yoh ka rynsan wow dai ya ki mar yong ki.

Da e khublei leh ya waroh kitu kiwa dadep wan chakhmat wa kwah wow chimbynta wei da yooluti wa daw pteiñ ki yei kyrchaan ki manda pynbna ya ki tarik wa thymme.