U montri rangbahdooh ka ri, u Narendra Modi da chah pynkupburom u da i naam “Global Goalkeeper” Award da ka Bill and Melinda Gates Foundation ha ka Fourth Annual Global Goals Awards ynne ka sngi hajrong ki kaam yong oo wa yatoh wa ka Swachh Bharat Abhiyan.
Neiliang u Modi da eburom u ya kani ka Award cha ki 130 klur ngut ki paidbah ka India kiwa da krehlang chirup wow pynman ya ka ri kawa khooid.
Nadooh wa sdang ya ka Swachh Bharat Abhiyan hadooh 11 klur tylli ki paikhana da chna ha kylleiñ ka ri heiwa da yoh myntoi ki paidbah khamtam ki kynthai wa ki khynnah.
Ya ka Swachh Bharat Abhiyan, da sdang nadooh ka 2 Naichiphaw 2014, kawa da sdang da ka sorkar u Narendra Modi wow pynkhooid ya ka India. Hapoh kani ka Mission ka sorkar booh thong ko wow pynman ya ka India kawa lait nei lai paikhana cha lait namo ‘Open Defecation Free’ ha u snem 2019.
Kani ka Goalkeepers, Global Goals Awards da bhah ya ka ha ki san bynta – Progress Award (ya kiwa 16–30 snem), Changemaker Award (16–30 snem), Campaign Award (16–30 snem), Goalkeepers Voice Award (iwon iwon i rta) wa ka Global Goalkeeper Award (iwon iwon i rta).
Ka Global Goalkeeper Award booh thong ko wow tipmit ya kiwa mihkhmat hajrong ki kaam wa da leh ki neibynta ka ri ka yong ki.
Discussion about this post