15 49.0138 8.38624 1 0 4000 1 https://wyrta.com 300 0

Advertisement ad1

I kyrchaan ka NPP ha ka Election pynyoo ko wa skem ka sorkar MDA: Balajied

0 Comments

Shillong: U kyrtong ka United Democratic Party (UDP) uwa man leh u khon yong u Dr. Donkupar Roy da pynsñiaw u yei kyrmen wow jop burom ha ka Election chiteiñ samoi na Shella Constituency ka wow man ha ka 21 Naichiphaw uni u snem.

U Balajied da thap pyrtuid u ha yung krehkaam u Sub Divisional Officer ka Sohra Civil Sub Division wei da synraan ya oo da ki heh ka UDP wa kynthup nadooh u President Rangbah, u Metbah Lyndoh, u Vice-President u Allantry F Dkhar, u montri ha ka sorkar u Lahkmen Rymbui, u Nujorki Sungoh MLA, u Titosstarwell Chyne MDC, u Samuel Sangma MLA, wa u Sniawbhalang Dhar uwa man leh u MLA ka NPP.

Kam wow pynkynmoo heini ka NPP da rai ko wow kyrchaan ya u Balajied ha kani ka Election chiteiñ samoi ha Shella.

Hawa yaklam wa kiwa pathai khubor, u Balajied da ong u wa i mih yong oo chakhmat ha kani ka Election toh wow pyndep ya ki kaam yong u pa u (Dr. Don) kiwa dang sah hapoh Constituency. Da ong u wa ki paidbah angnood ki wow yoh ya u sarok wa miat hapoh ka Constituency wei daw booddien u leh ya ki Scheme wa u Dr. Donkupar da mang u.

Da ong u wa i kyrchaan ka NPP pynyoo i wa skem ka sorkar MDA deiwa pynrap wa lada jop u daw pynskem chooh chooh u ya ka sorkar.

Da pynrap u leh deiwa ong wa i kyrchaan ka NPP wei i maya ki paidbah ka Shella ya u pa yong oo daw pynpoi bait i ya oo ha ka thong wow jop emburom.

Hajrong i booh kyrtong kiwi ki Party, da ong u wa ym em iwon iwon i maa wei kam ki seiñ em ki yei hok wow pynyieñ kyrtong katwa kwah ki. 

Advertisement ad1

0 Comments

Leave a Reply