Shillong: Ka Seiñ Raij Niamtre Shillong ha ka 9 tarik uni u bnai da pynyoo rong ko da ki dur (Photo Exhibition) chaphang ka Behdieñkhlam ka Raij Jowai heiwa ki dur toh kiwa nadooh wa sdang ka leh niam Behdieñkhlam ha u bnai Wisu hadooh wa pyndep ya ka niam ha u Naiynñiaw.
Ka Photo Exhibition toh kawa pynman ha Dorbar Hall Seiñ Raij Niamtre, Jeepstand, (Iewduh), Shillong kawa pynman da ka Seiñlang Ka Seiñ Khynroo Khyllood ka Seiñ Raij Niamtre Shillong. Ya kani ka Exhibition da wai da u waheh Duhai Rangat, Vice President ka Seiñ Raij Niamtre Shillong wei man ko ka sien wa nyngkong wa pynman ya ka.
I thmu yong ka kani ka Exhibition toh yow pynsñiawthooh paidbah ya ka Behdieñkhlam hawa boon tip ki man ko du 4 sngi 3 yaw wei em leh ki wym pu yoh ki u sakhi ya ka. Ha ki dur leh da thoh chaphang ki rukom leh niam wa boon jait kiwa man kam chibynta yong ka lehniam Behdieñkhlam
Kani ka Exhibition u neh ko hadooh ka 13 tarik uni u bnai wei u wai ko nadooh 5 waje i janmiet hadooh 8 waje i miet, kamtæ da khut sñiawbha ya ki paidbah u wan ki yow yoh myntoi ki.
Ya ki dur da e sñiawbha da u
- Dawmanchuh Lamar
- Leeno Shilla
- Wansalan Dhar
- Alan Marwein
- Dauni Ram Kynjin
- Daman-ha-o Rangad (Sangot Pasubon)
- Sajeki Passah
- Wyrta.com
Discussion about this post