Jowai: Ka yungkrehkaam ka District Horticulture, West Jaiñtia Hills ynne ka sngi da pynman ko ya ka pynyoo rong wa chi sngi ya ki mar rep wa pynman ha madan Daimasi, Ladthadlaboh.
Kani man ko kam chibynta wow yarap ya ki warep u pynyoo yei sap rep yong ki wa ki mar wa ye ki u pynmih boon, wei wow pynchlur ya ki da pynman leh ya ki yakop wow jied ya ki jait mar wa bha dooh wa ye ki u pynmih.
Ka H. Lyngdoh, Director of Horticulture, Meghalaya Shillong da man ko kam ka kongsan katwa u S.C. Laloo, Additional Deputy Commissioner, West Jaiñtia Hills District won da man u kam u symbood kongsan.
Ka kongsan hei klam yong ka da ong ko wa ki warep toh u smat ki u pdiang ya ki rukom rep wa thymme ki wow yarap ya ki wow pynku yei boon ki jhoor ki jhep wa ye ki u pynmih wei da pynchlur ko leh ya ki wow wan ki cha ki yungkrehkaam ka Horticulture waka KVK lada em ki iyi iyi i artatien yow yoh yarap ki.
Ha kani ka sngi da emlang leh ka I. Paswet, Jt. Director Horticulture, Shillong, u M.J. Syngkon na ka KVK, ka B.M Majaw, District Horticulture Officer, West Jaiñtia Hills, ki sahep wa kiwi kiwi.
Discussion about this post