Jowai: Ka WJDSA ynne ka sngi da sdang ko ya ki yalehke Quarter Final ka 3rd Division deiwa sdang da ka yalehke hapyrdi ka Newhill waka Khliehmoochut Shangpung.
Ka Newhill da jop ko da chi kool kawa thap u Pongshai Pohleng ha ka minit wa 47 wei da ini i jop da psiah ko cha ka Semi Final.
Ha ka yakhun Quarter Final wa bood, ka Wahiajer da jop suk ko da 4-1 ya ka Mooknor Thadmuthlong.
Ka Wahiajer da yoh ko u thap kool ha ka minit wa 10 lyngba u Janaria Phawa, u Oliver Pale ha ka minit wa 45, u Heimonmi Dkhar ha ka minit wa 56 wa 62. Ya ka kool samen ka Mooknor da thap u Phranko Sari ha ka minit wa 68. Kamtæ ka Wahiajer da psiah Semi Final.
Mynstep ka 7 tarik daw em 2 tylli ki Quarter Final, heipor 12 waje pyrdi heiwa ka Mynsngat u yachem ko waka Caroline katwa heipor 2 waje i sngi won ka Mulang Ialong u ycahem ko waka Evergreen Mukhla.
Discussion about this post