Jowai: Kiwa kreh ka V Mart Jowai, ynne i janmiet da pynman ki dei thang mombati kam wow kynmoo warom ya ki 40 ngut ki chipai CRPF wa dooh yei mynsien ha Pulwama, Jammu & Kashmir ha ka 14 tarik uni u bnai hadien wa pdung u bom IED wa em hapoh ka kari wa da tyrrah ya ka bus wa chong ki.
Chwa wow sdang i thang mombati da yoh yei klam na u Sahidul Barbhuiya, uwa man kam u Store Manager uwa da beiñ yeini i jia tympdung bomb iwa da chim yei mynsien kini ki chipai uwa da e ya ki kyntien wyrai wa sñiawlem cha kiwa hayung hasem yong ki.
Chooh chooh da pyntip u wa ka V Mart ha kylleiñ ka ri da man ki kiwa khang kamjooh leh ha Assam wei ha Jowai won kam wow kynmoo warom ya kini ki chipai da pynman da i thang mombati.
Kiwa kreh ka V Mart da ksoh ki ya ka lama ka ri India kamjooh ki kot-rben wa thoh ya ki kyntien wa ong wa ymye de wow mylliñ ya kiwa da khlaad ha ini i jia, i kynmoo warom ya kiwa da dooh yei mynsien neibynta ka ri, wa kiwi kiwi.
Chooh chooh da pynman leh yei suki kamwa 2 minit wow kynmoo ya kini ki chipai wa da khlaad.
Discussion about this post