15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da i thang mombati pynyoo yei sñiawsih wa chah pynyap ka khynnah skur

Advertisement ad1

Jowai: Kam i dak wow pynyoo yei sñiawsih hajrong i jia wa sñiawsih ya kawi ka khynnah skur kawa dang puræ Class IX haka skur wa em ha Sohkymphor kawa da chah pynyap dusmon haki damok ki wym pu tip hadooh katni, hajrong ini, ka seiñ East Jaiñtia National Council (EJNC), ynne ka janmiet ka 21 tarik, ka EJNC deiwa emlang ki khynnah yong ka skur, ki para Class yong kawa da khlaad, ki tre skur, ki VDP wa kiwa chong chnong ka Sohkymphor, da pynman ki yei thang mombati kawa da pynman ha Tia Chaphrang Higher Secondary School, Sohkymphor, East Jaintia Hills District.

Ha chwa wow pynman yei thang mombati da em ka yalang wa tbian wa pynlai da u Lektor Dkhar, President ENJC Khliehmyntriang, heiwa da yoh yei klam na u Wansalan Nongrum u President ka Middle East, u Shanbor Langstang Cultural Secretary ka Khliehriat West Unit, u Chelang Lyngdoh President VDP wa u D. Dkhar President Wapung Unit.

U President ka EJNC u Sambormi Lyngdoh hawa klam da ong u wa ka seiñ ka dap da ko da i sñiawsih wei sñiawdiaw hajrong i jia wa sñiaw wyrai ya kani ka khynnah, wei neiliang yong oo da sñiawphylla u wa hadooh ynne ki bor yong ka aiñ ym pu yoh ki ya kiwa emkti ha katai ka kaam, kamjooh leh ong u wa kam ini i jia chah pynyap hadooh ki kaam chah slaitbor da jia i na i por cha i por khamtam hapoh ka East Jaiñtia Hills District, heiwa ha kiwa boon hi ki pulit ym jooh yoh kem ki ya kiwa emkti.

Da beiñ joor u leh ya kiwa mihkhmat wa kat da ini i jia wym em uwi leh uwa wan chakhmat hei wow pynbor ya ki bor yong ka aiñ wow pynman yei thooh wa joor ya kiwa pynkut yei mynsien bru.

Chooh chooh da ong u wa ka seiñ ym chong kli kti ko lada ki bor yong ka aiñ ym leh chitom ki wow thooh ya kini ki damok.

Share this:
Previous

Pynman ka UDP yaka lehkmen Christmas ha chnong Thynroit

Next

82 ngut ki khynnah wa wan chimbynta haka Coaching Camp ka East Jaiñtia District Cricket Association