15 49.0138 8.38624 1 0 4000 1 https://wyrta.com 300 0

Da i thang mombati u pynman ha Shillong wow beiñ yei chah tynyap ki le ngut ha Trangblang

0 Comments

Jowai: Kam ka dak sñiawlem ya ki yung ki sem yong kitu kiwa dooh yei mynsien ha ki bru thrang snaam, kawa da jia ha ka 6 tarik uni u bnai hapoh ka chnong Trangblang kawa em ha West Jaiñtia Hills District, Amlarem Sub-Division, ki khynroo khyllood wa puræ yong ka thaiñ War Jaiñtia kiwa chong wa sah ha Shillong da kawi ka yumut da rai ki wow lumlang kam ka dak wow pynyoo yei sniawlem wei kamjooh wow beiñ ya ki bru wa da chim ya ki le tylli ki mynsien wa kordor.

Kiwa da dooh yei mynsien kynthup ki ya u waheh chnong ka chnong Amlanai u Thomlin Surong, u Secretary ka chnong u Hamboi Langshiang wa u Shan Khongiong uwa man u dkhot chnong wei da mynsoo leh le ngut kiwi ha ini i jia.

Advertisement ad1

Ki khynroo khyllood ka War Jaiñtia kiwa chong wa sah ha Shillong deiwa yakrehlang wa ka seiñ JSU Shillong Circle waka HYC seiñbei daw pynman ki ya ka thang mombati wei wow pyllang ya i soi pyrtuid kam ka dak sñiawlem wa i beiñ ya ki 6 ngut ki bru thrang snaam.

Ya kani ka thang mombati u pynman ha Khyndai Lad Shillong ha ki rana ka Meghalaya Assembly warim wei u sdang nadooh ka 6 waje hadooh 8 waje i miet ha ka 12 tarik. Kamtæ da kyntu ya waroh ki khynroo khyllood kamjooh ki waheh wasian wa kiwi kiwi wow wan ksohkti lang ha kani ka thaw.

Ini toh katkam wa pyntip u Treiborlang Raul Suchen.

Advertisement ad1

0 Comments

Leave a Reply