Ynne ka sngi ka dhab ki kynthai wa yalehke Hockey ka ri da yakhun ko pyrchah ya ka Great Britain wow yaknieh ya ka takma tama ha ka lympung Tokyo Olympics.
Ha kani ka yakhun ka India da chah pynrem ko da 4-3 wei da dooh noh ko ya ka takma ha kani ka lympung yalehke wa heh dooh ka pyrthai.
Hadien ini neiliang u montri rangbah ka Mizoram da pynbna u wa ka khloor yalehke Hockey ka ri na Mizoram, ka Lalremsiami kawa man leh ka dkhot kani ka dhab, daw e ya ka i kreh sorkar kamjooh leh i thaw wow chna yung ha chnong yong ka.
Chooh chooh ka sorkar Mizoram da e ko T. 20 Lak heipor wa pynkhreh ko ya kani ka lympung wei daw e ya ka sa T. 25 lak kawa chimbynta kani ka Tokyo Olympics 2020.
Ynne ka sngi u montri rangbah ka Haryana, u Manohar Lal Khattar da pynbna u wa ka sorkar jylla daw e ko T. 50 Lak samen cha ki 9 ngut na ka jylla kiwa man leh kam ki dkhot yong ka dhab ka India kiwa da yakhun yaknieh ya ka takma tama ynne ka sngi.
